16 – 02 -2011 有感

朋友,我知你哋好關心我,

但你哋知唔知過份嘅關心會令我好煩….

我知咁樣講你哋可能會好HURT,

但呢個真係係我嘅感覺….

情人節,我收到你哋嘅SMS同埋電話,

講真,好感動啊~~

至少,仲有你哋關心我….

仲有人記得我嘅存在….

不過,但當N咁多SMS 同電話”轟炸”我嘅時候,

感動係會”變質”嫁….

我承認到後期啲電話係無心機講,

SMS 係無心機覆….

因為,個個問嘅野差唔多一樣,

答到我無晒心機答~~

但我知你哋嘅出發點都係為我好同埋關心我,

所以,我想同你哋 SAY SORRY 啊~~

至於,有班人情人節約我去馬灣嘅朋友仔,

你哋還OK嗎??

天氣咁凍,仲”夜 MA MA”去馬灣”談心”…

你哋都好得閒…

我知有幾個病咗啊~~

無事啦嘛??

不過,容我講句:我無你哋咁”87″,留係屋企仲溫暖啦~~

至於,你哋想知嘅野我一次過係度答晒你哋啦~~

(1)我OK嫁啦~~無咩事,俾多少少時間我就一定無問題~~

(2)依家我咩都無諗,忙緊搵工~~

(3)暫時無諗咁快開始另一段感情~~想以事業同家庭為重…

(4)感情隨緣啦~~無咩特定TARGET 同TIMETABLE~~

 我諗大家都係想知呢啲姐,有問題再CALL我啦~~

THX ALL~~

♥♥♥♥ I LOVE YOU ALL ♥♥♥♥

2/11/2010 (只要係用個心付出，對方就會感覺到!)

今日同梓軒係地鐵睇到一件事，特登走嚟記低佢，除咗呢件事有啲好笑之外，仲幾發人深省嘅……

話說今日同梓軒出旺角行街街，係搭地鐵出去途中，見到一對情侶係度“耍花槍”，個女仔發緊脾氣話個男仔唔聽佢呻，個男仔就係佢身邊氹緊佢啦！其間聽到個男仔不斷同個女仔講“我愛妳”啦（我估每一個站起碼講咗一至兩次）！我超級想笑，但基於要維護呢個男仔嘅尊嚴，忍得我幾辛苦……

其實諗諗吓我覺得個男仔有啲傻，仲傻得幾可愛，原因係成程車聽佢講得最多係“我愛妳”，我唔係話佢勇於表達自己嘅愛意唔好，而係講得太多會令人覺得好假、好膚淺，同埋會變得好似係為講而講咁，失去咗呢句說話本身嘅意義…

之後，我問梓軒會唔會好似嗰個男仔咁，佢只係講咗句， “只要係我有咩需要，佢一定會係我身邊” 呢句說話聽落好似無“我愛妳”咁直接同埋咁甜蜜，但佢表達嘅意義比“我愛妳”嘅層次更加深…

其實示愛，唔需要吓吓講到明，只要係用個心付出，對方就會感覺到…呢個道理好似好多人都識講，但真正做到嘅又會有幾多個…

Hello world!

Welcome to WordPress.com. This is your first post. Edit or delete it and start blogging!

唔好話我無提你哋~~

星期六,我要"離家出走"一晚….

星期日晚至會返屋企….

由於星期六同星期日都未必會上網,

要搵我嘅記得打電話俾我啊,知無?

我可能會聽唔到電話響,

所以,你哋一係就留言….

一係都可以打多幾次俾我都得…

再唔得嘅就係MSN 或者 FACEBOOK 度留言都無問題…

**我一定會盡快覆返你哋**

執著與放手

常常覺得「執著」跟「放手」都需要很大的勇氣。

在追求自己的執著時，往往需要做出犧牲，

而那樣的犧牲就叫做放手，在決定放手的時候，

又經常是為了追逐別的。

 

想要天底下出現事事完美的好狀況，

機率實在是低的可以，

魚與熊掌有九成九的機會不可兼得。這就是抉擇。

選了這個，就得放棄那個，要想兩手都抓，

到頭來很可能發現自己落個什麼都沒得到的下場。

 

有時候，放手是不得不然的選擇。

可是能夠完全放下的人不多。

一個朋友曾經說，就讓時間告訴我們答案吧。

我不這麼想。時間只是療傷的工具，答案是人自己給的。

 

或許答案的殺傷力可以要了我們的命，

在他人看來，我們一點反應也沒有。

可是我們做出了選擇。

 

在人的生命旅途中有很多事是需要決擇的。

既然痛下決心了，就不要再想什麼後悔不後悔的問題了，

「捨得」、「捨得」這兩個字是分不開的，有「捨」才有「得」，

當你決定了就別反悔，

也許在你下決定的同時，

你已經失去了一些東西也說不定呢？

最後都係睇返西醫

上星期見把聲沙沙地同喉嚨唔係幾舒服，

係唔想食西葯嘅情況下，

走咗去睇中醫……

個中醫師話我係慢性喉炎，

又話食兩三劑葯會無事……

點知食足一星期中葯，

把聲就時沙時唔沙，

但個喉嚨依然痛……

星期一終於頂唔順，

唔再去睇個中醫，

決定星期三返學嗰時順便睇返西醫啦！

嗰醫生話我感冒同埋聲帶有啲發炎，

叫我呢幾日儘量講少啲野……

但我想講我好難唔講野囉，

算吧啦，我都係照講啦，

只要大家忍耐到我把沙啞嘅聲音……

至於點解會聲帶發炎，

我諗可能係之前喉嚨發炎啲菌未清入咗聲帶啩……

另外感冒呢我諗應該係星期一出街唔記得帶遮，

淋咗雨又出入冷氣地方嘅關係啩……

唔知呢？

另外，今日要感謝梓軒今日送我返屋企，

講真我都唔知佢會嚟揾我，

我收到佢電話嘅時候，我都好surprise……

因為估唔到佢會揾我……

佢話係MSN上面知道我唔舒服同埋今日會睇醫生，

加上佢話係附近上完堂，

所以順便過嚟探吓我咁話喎……

之後，就順便送埋我返屋企囉……

好啦，食完葯瞓返覺先！

朋友，點解要對我咁殘忍？

朋友，點解要對我咁殘忍？

你哋口口聲聲話叫我面對自己個心，

但你哋其實係度傷害緊我…

表面上，我好似好堅強，

但其實我只係一個普通女仔…

同楊梓軒嘅三年感情，

你哋以為我真係可以用三個星期可以忘記咩，

我依家話俾你哋知無可能囉，

但我唔想其他人為我擔心，

所以扮到無事咁，

同佢分手真係唔好受，

又要俾人話我有咁好嘅男友唔識珍惜、

又俾人話我好傷害一個咁好嘅男仔…

我俾人話嘅時候，

無人幫我講過句公道說話啊！

我同梓軒分手係我哋兩個人嘅事，

我唔覺得有需要向外公佈我哋分手嘅理由，

而且我哋有咗“再見亦是朋友”嘅共識…

對於分手之後，

所有嘅猜測同埋你哋嘅謾罵，

我都無條件接受而且沒有作出任何回應…

直至最近，

我係facebook俾細con tag咗要求我講20樣關於我同梓軒嘅野之後，

我嘅生活又再度陷入一片混亂，

我承認我心中仲有梓軒嘅存在，

唔代表我同佢之間要有任何復合嘅機會，

請你哋唔好再作無謂嘅猜測，

你哋嘅猜測只會係…

再次撕開係我啱啱埋口嘅傷口，

點解你哋要咁殘忍對我，

明知我個傷口啱啱好返，

至黎傷害我？

如果一早知同梓軒拍拖會令我傷得咁重，

我嗰日一定唔會飲凍檸樂…